Bilješka o autorici: Đurđa Vukelić Rožić (1956, Vidrenjak, HR) živi i stvara u Ivanić-Gradu. Objavljuje prozu i poeziju te kratke japanske pjesničke forme na hrvatskom, kajkavskom i engleskom jeziku. Niz godina uređivala je časopise i zbornike iz područja haiku poezije. Za svoj rad primila je niz nagrada i priznanja. Čitate njenu kratku priču “Soba” pisanu na donjomoslavačkoj kajkavici Ivanić-Grada i bliže okolice.
Najposle mi se presvetilo, nigdar v svomu napačenomu živlenju ja nis imela svoju sobu! Kakvu-takvu komoricu, kaj bi se od sveta i brig skrila, bar na čas. Denes, detešce se još ni rodilo a več ima svoju sobicu, rozastu ili plavu. Razmem ja to, cajte se menjaju, ide se naprvo, lehše je živlenje denes nek je negdar bilo. I drago mi je da je tak, ni se treba mučiti kak sme se mi negda patili. Žmefke je bilo bogeštvo, zavostalost i nepravičnost.
Ne bi se ja problema ze svoju sobu ni setila, da pri nami ni bila naša vnuka Anđelka. Otec ju je poslal k nami na selo prek leta, skup z bratom Marinom i sestru Mirjanu. Naš sin Silvek, nejni otec, oženil se drugi put i dobil dvojčeke. V stanu u gradu, morali su Anđelku i Mirjanu preseliti v jenu sobu, naj bi blizanci imeli svoju komoru. Tak je došlo do sobnoga rata! Zakaj Marin more imati svoju sobu, a sestre moraju biti skup v jene? I ko je opče štel te male cmizdravke kaj cele dane i noči drže celu zgradu na nogah, niko nemre spati. Navek nekaj žnima.
Sad, babica pazi se kaj laprdaš, nesi ti mudrijaš z stare Gerčije. Štela sem dece reči, ono kaj mlade žene zaprav očeju su – deca i familija. Čim su dobili mladu maćehu, bilo je za zanadi se da im bu rodila brata ili sestricu. Curice su rojene naj bi bile mamice, gda odrasteju. To nam je zapisano v genima, a ak se mene pita, najlepša briga na svetu. Am Hrvacka ima demografske probleme, vsaka beba je bogactvo! A sad, to kaj je te kvar posledica drugeh problemov, o tem potem. Gda im se otec oženil drugi put i pobral spinstericu z uspešnu karijeru, mam se znalo, buju pomogli zotem demograskim slomom Hrvacke. Kaj i kak imam za reči vnukama po tem pitanju? Znanstveniki su sad po novome zpoznali, človeči mozek zreli do 29 leta živlenja! Kak deci reči ono kaj nemreju razmeti?
Gda je dedo prešel spat a ja još nekaj prtlala po kuvinje, vnuke su me poprosile naj bi išla žnima spati vu veliku sobu. Ih je strav same. Negda je to bila soba naših četiri čeri. Dečec si je donesel vreču za spanje i prešel na tavan. Da bu z teleskopom gledel zvezde. Mi se čini da se Štiglićeva spavača soba baš lepo vidi z južnoga obluka na naše najže, a, da bi reč rekla. Marin je sprve štel na štaglu spati, tam je prelepo po letnom vremenu, na duhe sena. Zleči sinuse. Ali, ništ z toga, dedu se ni išlo žnim. Gda je dečec čul da bi se kača mogla dovleči v postelu od sena, se primiril. Bela laž je pomogla, ni to selski dečec, več mitno gradsko dete.
To leto z decum smo se pomladili. Z dedom su obišli Lonjsko polje, Čudesnu šumu Žuticu, Gospođicu, i poučnu šumu Marču. Išli su ribe loviti na bajere. Am je stari poludel, noge su ga bolele cele dane laufati z decum. Poprečki prek Martinske Vesi vozili smo se žnima na kupanje v Topusko, tam su se vžili tobogana i pune košare pohane piletine i domačih medenjakov. Naša čer Ljubica, detičja tetica i suseda je čuvala naše gospodarstvo i skuvala nam večeru gda sme se vrnuli, lačni kak vukeki.
Prevezli sme se vuz Savu, sprobali skelu sim pak tam, bi reči z leve obale na desnu i nazaj, i tak od sega pomalo. Ali, znala sem kaj bu. Leto prejde, čim se deca vrneju doma v Zagreb, curičke se buju svadile skup v jene sobe. Denes te, kak vele pubertet premeni dečicu raneje nek igda prede. Okuraže je ormoni, trebaš ti znati zotem baratati. A mlada maćeha, friški brak, dve male bebe, kak se bu snašla? Za leto dan mora se vrnuti na posel… Nis znala kaj bi, a onda setim se, rekli smo dece da buju ostali pri nami i peju v selsku školu, samo dva kilometra daleč. Tu i tam dedek je bu odvezel v selo, več kak bu stigel od posla na polu i z marvu. Moreju ostati pri nami do sredne škole. Deklice su zinule i zbečile oči, kak da smo kravu v tramvaj dopelali. Tak smo z vekšim problemom prebrodili oni menši. A dečec, on bi ostal pri nami, srčeko babino i dedekovo.
Zvečera sme se vsi skup kartali, največ remija a i hitili dve partije „Čoveče ne luti se“. Prelepo. Točno tak sme se Jožek i ja, gda smo bili mladi, z našu detcu zabavlali. Ondak smo mi, vse tri dekle jenu noć prešle v turizem k Marinu. Na najže, gledeli sme zvezdice črez negvi teleskop. Z letve smo skinuli vsaki po jenu suvu češnjovku i hrdali je kaj mišeki! Tavan je bil pun našega smeha. I, reč po reč, zareklo mi se i zblebetala sem: „Ja nigdar nis imela svoju sobu!“ Deca su ostala bez reči, a bormeš i ja. Dok sem se snašla, imela sem za razmeti, fali mi moja soba. Moj mir! Odonda, bi reči od presvetlenja na najže, gledajuči zvezdice ze vnučekima, dumala sem kaj se to stalo zdemnu. Celo živlenje nis imela svoju sobu, kaj sad? Nis ja šlaprtek zato kaj sem z sestricam i bratima spala. Navek nam je lepo i toplo skupa bilo pod velikum blazinum, kaj pod kvočku.
Manje poznate riječi:
najposlej – napokon; nepravičnost – nepravda; lehše – lakše; žmefko – teško; komora – soba; laprdati – brbljati; potem – poslije; najža – tavan; štagel – sjenik; kača – zmija; lačni – gladni; raneje – ranije; Gerčija – Grčka; okuražiti se – ohrabriti se; baratati – postupati; dumati – razmišljati; šlaprtek – mučak, špinčekica – bahata ženska osoba, šlabekovati – pričati, endlih – konačno, hajcanje – grijanje, pričuva – zaliha, rinđice – naušnice, čkomeči – bez riječi, tiho, truc – inat, lehkeše – lakše, kača – zmija, mitno – osjetljivo, nehotene – izgovor, necke – veliko korito za pranje rublja.
Po istine, gda si popodne malo legnem na kauča v boravku, naj bi nogice počinula, ak se nekteri sused navrne nekaj posuditi ili babica sedeti vuz kavu, ni to više to. A, ak celi dan niko ne dojde, Jožek mam misli da ide potop ili kakvo drugo zlo. Gda se negvi pajdaši narišeju v naše hiže, za lepoga vremena pobegnem na vrt ili jogradu. Po zime, ili gda pada kiša, nema zbega za me. Denes su hiže auzlogi, a ne dom. Imaš deku na kavuču, šlape vuz fotelju ili lonček od čaja na stoleku a tanjeri od obeda nisu oprani? Mam celi svet zezna, si nevuredna i lena baba. Naše selske hejterice su gorše od oneh špinčekicah na društvene mreže! Kaj koga briga ak i kaj na svomu kompjutoru guglam? Morti bi štela v miru prečitati nekaj, videti kak svet bavi, jel je zmišleni kteri novi harc, kak god mali bil, ober onih jezero, kteri se vsaki dan ratuju na naše planete Zemle. Ak v boravkuk televiziju gledim, Jožek navek nekaj šlabekuje i prigovarja. On bi zuril v nekaj drugo. I tak, endlih sem osvestila kak mi v živlenju fali malo privatnosti. A kak to dedu narisati?
Verujuči da nigdar ni kesno iti za svojim senami, ak bi se štela zadobiti svoje sobe, pod pervo, v praznim sobam bi se moral rešiti problem z hajcanjem. Deca su prešla zdoma, dve su sobe prazne, pečice na drva smo zvadili žnih vun. Cevi od centralnoga grijanja se lehko prevlečeju i kupe se radijatori, ni to problem. Veliku sobu more se na pol prezidati, lehše se zgrije i za me čist dost. Taki, denes imaju mramorne grijače, peći na naftu… Gda sem o temu probala z Jožekom pospominati, oči su mu bile vekše nek naše kravice Pisave. Jedino, su ostale plave, a sad se činilo da v sakom plava jato morskih cuckov! Šake i vusnice je stisnul, čkomeči je prodekuval tri dana, tuliko je tega o Ifkičine sobe bilo za ne reči! I bil na dijete z konzervami sardelic i mesnim doručkima. Pričuvu si malo-pomalo navlači v radionu, toboš ja ne znam. Ni blizu moje kuvinje dojti! Stari, truclivi prgavec.
Kak je zišlo to z decum? Najprvo sem se telefonom pospominala z novu snehicu i došle sme do sporazuma; velike dekle buju dale ime sestricami. Ja sem vnuke nagovorila naj si saka zbere jenu bebu i bu joj krsna kumica! Vozile budu sestre v kolicima po parku i vodile z u vrtić, gda im bu škola potle poldana. Obaveze su dobra stvar za odgoj dece. Jedine v svoje škole budu kumičke, navče se kojekaj. Za deset-petnajst let dobe svoju decu, dobro im bu došlo. Malo su se keckale okraj toga ktera bu koje dete zebrala, makar su deklice skoro jenake. Onda, ne buju znale koja je čija kumica. Da rešim problem, zvadila sem nekaj penezeh z crnoga fonda. Z maćehum buju sestricam kupile rinđice, nejenake, naj bi znale koja je deklica koja.
Čitajte još:
Kaj se stalo z prvu snehu? Zalubila se v sportaša z Kanade, je gostuval v Zagrebu i otišla je žnim. Decu je ostavila ocu, naj bi ostala v svomu gradu i škole, i plača lepu alimentaciju za nje. Dogovor je bil, ak buju šteli, peju v srejnu školu ili studirati v Toronto. Tam imaju veliku hižu z bazenom, vsak bu imel svoju sobu. Mamica je rodila kanadijanu sineka i trudna je z drugu bebu. Vse se lepo posložilo, fala Bogu.
Jedino, ja, Ifkica kaj Ifkica, nikak Jožeku dokazati da mi treba moja soba, a se nedam preveslati žeđna prek vode, jok. Bolše igda nek nigda.
Ak se i drugim babicami v našemu prelepomu Gornjemu Moslavačkomu Selu presvetli i buju štele svoje sobe, celo selo bu jeno veliko bauštele! Prizidaj tu, pregradi tam, dojdu deca ze svih stran sveta pomoči. I susedi, pak bumo svi svoji, kak negda, gda su hiže po polima vuz cestu rasle kaj vrbe. Išlo se naprvo. A znamo, dobro izgovorene zlata vredi… Pak si bumo pomagali, gradili iduči z tačkam i lopatamm od hiže do hiže; neko hiti odojka na ražen, nekteri skuva kotel gulaša, bu kotlovine, Dragica Pomahačeva bu ziher prefini fish skuvala. Ja napečem necke pune kolačov, bumo se gostili, družili i popevali čist bokčijski na selskom dvorišču, gliboko v letnu noč pod zvezdicami, bogati kaj Švicarska i Hong Kong skupa.
ZADNJE POLJE 
Komentiraj